/*/*/**-*-*-* يـــوم كــنـــت صــغــيــرهـ *-*-*-*/*/*/

يوم كنت صغيره ..

كنت اقول متى أكبر واصير مثل أمي كبيره .. والبس مثلها ..وأتزين مثلها..

كان كل همي أكبر.. كل يوم اشوف طولي زاد ولامازال المؤشر ماتغير ..

كل يوم اشكي لأمي اني عايشه في حيره .. ليه الزمن مايتحرك .. وأكبر بسرعه ..

كانت أمي تناظرني بأسى .. ودها تحكي ولكن أكتفت بهز راسها ..

ياترى ليه كل هالأسى ؟؟!

سألتها بس ماجاوبت .. كانت تقول لاكبرتي تعرفين!! ..

وأصرخ بوجهها يوووه متى أكبر ؟؟

وتضحك علي تقول لاتستعجلين .. !!

ويمر يوم .. وبعده يوم .. وأنا انتظر ..

لاجا يوم ميلادي أطير من الفرح .. أنقضى من عمري عام .. ياسلام صرت أكبر..

وأمي تضحك .. توشوش خالتي .. تقول ودها تكبر ..

وترد خالتي .. بكره تتمنى ترجع صغيره ..

واناضرهم بأستغراب ليه ماودهم أكبر ؟؟ ليه زعلانين لاكبرت عام ؟؟

بس انا ماعلي منهم .. ودي أكبر .. والبس .. وأجيب عيال ..

وتمر سنه ورا سنه .. وأشوف حلمي يقترب ..

وكل مايمر عام وأكبر .. أنصدم في اللي تمنيته ..

غير اني فقدت أخوي .. احس الدنيا من حولي غابه ..

القوي ياكل الضعيف .. والواسطه هي المتحكم الاول والأخير .. والرشوه باب رزقٍ لايسد .. والحقد والحسد آفة الزمان المرير..

آآه ليتني ظليت صغيره ..

توي عرفت نظرة امي وش معناتها ..

توي يادوبي فهمت ليه حزنت يوم اني تمنيت أكبر ..